Á Funaborg er leikurinn í hávegum hafður. Leikurinn er vinna og nám barna á fyrsta skólastigi. Í gegnum leikinn þroskar barnið færni sína í félags- og vitsmunaþroska. Við sköpum tíma og rými fyrir leik barnsins og sjáum um að leikefnið sé fjölbreytt og aðgengilegt.
Á Funaborg leggjum við áherslu á að barnið öðlist mynd af sjálfu sér sem hæfum og virtum einstaklingi.

Síðasta ár hefur starfsfólk í Funaborg verið að þróa sig í að vinna í anda Reggio Emilia og munum við halda þeirri vinnu áfram.

Leiðarljós veturinn 2010 - 2011 er:
,,Skoðaðu hvað er að gerast, leyfðu því að gerast eða gríptu inn í."

Hornsteinar Funaborg eru:
Leikurinn, samskipti, sjálfstyrkur barns og val.

Leikskólinn Funaborg tók til starfa sumarið 1994. Arkitektar hússins eru Guðmundur Gunnarsson og Sveinn Ívarsson. Stærð hússins er 434 m² og byggingin einkennist af opnu rými og glerveggjum.

Í Funaborg dvelja samtímis 52 börn. Stöðugildi í húsinu eru u.þ.b. 11 auk afleysinga. Útileiksvæðið er stórt og fjölbreytt. Leikskólinn stendur við Gullinbrú þar sem stutt er í gönguleiðir, á leikvelli og náttúrusvæði.

Leikskólastjóri: Sigríður Jónsdóttir
Aðstoðarleikskólastjóri: Pála Pálsdóttir

Leikskólinn Funaborg
Funafold 42
112 Reykjavík
Ísland

Sími: 5879160
Þetta tölvupóstfang er varið með ruslpóstssíu. JavaScript verður að vera virkt í vafranum þínum til að póstfangið sjáist.